Elimu ya Fedha na Biashara

Ukichunguza watu wengi sana ambao wamepata wakati mgumu kwenye biashara zao ni kwa sababu walikosea katika kuchagua aina ya biashara wanayopaswa kufanya na walishindwa kupata wazo sahihi la biashara ya kufanya.

Inawezekana tayari una mtaji wako na unajiuliza biashara unayopaswa kuifanya, kumbuka kuna watu walishawahi kuwa na mitaji mikubwa ya pesa ila kwa sababu walichagua biashara isiyofaa, walijikuta wamepoteza mtaji wao wote.

Kama wewe pengine unataka kufanya biashara na kikwazo kikubwa ni kukosa pesa, basi kupitia kozi hii utagundua kuwa unaweza kuanza biashara hata ukiwa na pesa kidogo au bila pesa kabisa. Kuna mambo ukiyafahamu, yatakupa mbinu na uwezo wa kufanya mambo tofauti na watu wengine.

Kozi hii nimuongozo wa hatua kwa hatua katika kuchagua aina ya biashara unayopaswa kuifanya na kukusaidia kujua wazo sahihi la kibiashara unalotakiwa kulifanyia kazi.